Qəbul qaydaları

Kimlər müraciət edə bilər?

Bakalavr pilləsini bitirən bütün Azərbaycan vətəndaşları müraciət edə bilər. Hər bir proqram üçün səciyyəvi olan tələblər saytda göstərilmişdir.

Necə müraciət etmək olar?

Magistraturaya ərizə qəbulu Tələbə Qəbulu üzrə Dövlət Komissiyası vasitəsilə həyata keçirilir. Bütün tələbələr seçdiyi proqrama müvafiq olaraq bir sıra fənnlər üzrə ümumrespublika qəbul imtahanından keçməlidirlər.

Proqramlar üzrə qəbul qaydaları hər il "Abituriyent” jurnalının may ayı buraxılışında dərc olunur. Həmçinin TQDK-nın rəsmi internet səhifəsində (www.tqdk.gov.az) də məlumat almaq mümkündür.

İngilis dillində tədris olunan ixtisaslara qəbul olmaq istəyən tələbələr ingilis dili səviyyələrinin qiymətləndirilməsi üçün Qərb Universiteti tərəfindən təşkil olunan test imtahanını keçməlidirlər.