Azərbaycanın yeganə xanım səfiri, Qərb Universitetinin məzunu Qurbanova Nərgiz

Azərbaycanın yeganə xanım səfiri, Qərb Universitetinin məzunu Qurbanova Nərgiz

1999 - Qərb Universiteti - "Beynəlxalq Menecment" ixtisası məzunu;

2012 - Azərbaycanın ABŞ-dakı səfirinin müavini;

2012-2016 - 4 ildə Xəzər regionu və Azərbaycanla bağlı olan bütün iqtisadi konfranslarının aktiv iştirakçısı;

2016 - II dərəcəli fövqəladə və səlahiyyətli elçi diplomatik rütbəsi;

2016 - Azərbaycan Respublikasının Bolqarıstan Respublikasındakı fövqəladə və səlahiyyətli səfiri;

Məzunumuz Azərbaycanın ABŞ-dakı səfirliyində iqtisadi məsələlər üzrə müşavir vəzifəsində çalışıb. Qurbanova son 4 ildə Xəzər regionu və Azərbaycanla bağlı olan bütün iqtisadi konfranslarının aktiv iştirakçılarından olub.

Bu baxımdan onu tez-tez Böyük Britaniyanın "BP” şirkətinin Vaşinqtondakı təmsilçisi Qreq Sonders, ABŞ Dövlət Departamentinin Enerji ehtiyatları üzrə məsul əməkdaşı Daniel Ştayn, enerji, təbii sərvətlər və geosiyasət İnstitunun direktoru Ariel Koenin iştirakı ilə keçirilən tədbirlərdə qızğın müzakirələrə qoşulmasını seyr etmək olardı.


Məsələn, 2012-ci ilin oktyabrında Amerika Universitetinin Qara dəniz və Xəzər dənizi hövzəsi üzrə Araşdırmalar Mərkəzində "Azərbaycan: təbii qazın Avropaya nəqlində artan tələbatın ödənilməsinə strateji təsiri” mövzusunda tədbirdə Qurbanovaenerji layihələrinə ABŞ tərəfindən siyasi dəstəyin verilməsinin vacibliyini vurğulamış və bu xüsusda "Cənub dəhlizi” layihəsinə ABŞ hökumətinin dəstək verməsinin təqdirəlayiq olduğunu bildirmişdi.

2013-cü ilin aprelində Vaşinqtonda ABŞ-ın Con Hopkins Universitetinin Mərkəzi Asiya-Qafqaz İnstitutu tərəfindən "İstanbul Prosesi – 26 aprel, Astana görüşü: 2014-cü ildən sonrakı Əfqanıstanda aydınlığa doğru” mövzusunda keçirilən tədbirdə isə Qurbanova NATO qüvvələrinin Əfqanıstandan çıxarılması zamanı Azərbaycanın tranzit ölkə kimi imkanlarını tədbir iştirakçılarının diqqətinə çatdırmışdır.

Bundan əlavə Qurbanova SOCAR-ın Amerikadakı tədbirlərinin də yaxından iştirakçısı olub.

İndi isə xanım Qurbanova Bolqarıstanda səfirdir. Bolqarıstan Azərbaycan üçün vacib ölkədir. Siyasi baxımdan iki ölkə arasında heç zaman problem yaşanmayb, iqtisadi baxımdan isə əlaqələr enerji layihələri üzırində vüsət alır. Əvvəla, bu ölkənin "Bulgargaz” şirkəti 2013-cü ilin sentyabrında "Şahdəniz” konsorimu ilə qaz alqı-satqısına dair 25 illik müqavilə imzalayıb. Müqavilə 2020-ci ildən həyata keçirilməyə başlayacaq və Yunanıstan ərazısındən Bolqarıstana çəkiləcək birləşdirici kəmər vasitəsilə reallaşacaq. Azərbaycan "Şahdəniz-2” müqaviləsi layihəsi çərçivəsində bu ölkəyə hər il 1 milyard kub metr qaz ixrac edəcək.


Ona görə də Bolqarıstana səfir qismində Nərqiz Qurbanova kimi enerji məsələləri üzrə ixtisaslaşmış bir diplomatın ezam edilməsi heç də təəccüblü deyil.

Xatırladaq ki, Azərbaycan dövlətçilik tarixində ilk diplomat xanım Sara Xatun olub. Hazırda Azərbaycanın xarici ölkələrdəki diplomatları içərisində xanımlar olsa da, yeganə xanım səfirimiz Nərgiz Qurbanovadır.

Qərb Universiteti məzunu ilə fəxr edir və yeni uğurlar arzulayır!